GENERALIN APELLYASİYA ŞİKAYƏTİ RƏDD EDİLDİ

yanvar 23rd, 2009
Bu gün (23 yanvar) Bakı Apellyasiya Məhkəməsində hakimi  Hüseyin Talıbovun  sədrliyi ilə Müdafiə Nazirliyinin Beyləqan Hərbi Birləşməsinin komandiri general-mayor Mahmud Həmzəyevin “Gündəlik Bakı” qəzetinin baş redaktoru Habil Vəliyev, qəzetin baş redaktorunun birinci müavini Üzeyir Cəfərov, ehtiyatda olan zabitlər – Arif Rəhimov və Telman Əbilova qarşı Cinayət Məcəlləsinin 147.2-ci maddəsi (ağır və xüsusilə ağır cinayətdə ittiham etməklə böhtan atma) ilə  xüsusi ittiham qaydasında qaldırdığı iddia üzrə Yasamal rayon Məhkəməsinin çıxardığı qərardan verdiyi apellyasiya şikayəti üzrə məhkəmə prosesi keçirilib.

Bu barədə RATİ-yə   Ü. Cəfərov məlumat verib.
Ü.Cəfərovun bildirdiyinə görə, hakim general M.Həmzəyevin verdiyi apellyasıa şikayətini  təmin etməyib  və Yasamal rayon Məhkəməsinin qərarını (http://www.irfs.az/content/view/1530/28/lang,az/) qüvvədə saxlayan qərar çıxarıb.