“Gündəlik Azərbaycan” və "Realnıy Azerbaydjan" qəzetlərinin həbsdə olan baş redaktoru Eynulla Fətullayevin işi ilə əlaqədar Avropa İnsan Hüquqları Məhkəməsinin Azərbaycan hökumətinə cavab verməsi üçün verdiyi vaxt 2009-cu il yanvar ayının 16-da bitib.
Bu barədə RATİ-yə məlumat verən E. Fətullayevin vəkili İsaxan Aşurovun sözlərinə görə, Azərbaycan hökuməti Avropa Məhkəməsindən əlavə olaraq daha 1 ay vaxt verilməsini istəyib:
“Avropa Məhkəməsindən isə Azərbaycan hökumətinə bildirilib ki, cavab məktubu yanvar ayının sonlarına kimi Avropa Məhkəməsinə təqdim olunmalıdır. Həm də Azərbaycan hökuməti məhkəməyə təqdim ediləcək cavab məktubunun bir nüsxəsini mənə də təqdim etməlidir”.