“GÜNDƏLİK BAKI” QƏZETİNİN ƏMƏKDAŞI AÇIQ MƏHKƏMƏ PROSESİNDƏN ÇIXARILIB

iyul 24th, 2008

"Gündəlik Bakı" qəzetinin müxbiri Ülvin Məhəmməd Nərimanov rayon Məhkəməsində hakim Sevinc Alıyevanın sədrliyi ilə Azərbaycan Müəllimlər İnstitutu ilə bağlı keçirilən açıq prosesdən reportaj hazırlamaq istəyərkən hakim tərəfindən zaldan çıxarılıb.

Bu barədə RATİ-yə qəzetin şef-redaktoru Ədil Hüseynli məlumat verib:

"Müxbirimiz məhkəmə zalına daxil olub əyləşdikdən sonra hakim ondan kim olduğunu soruşub. Sonra isə özünü təqdim edən əməkdaşımızdan məhkəmə zalını tərk etməsini tələb edib. Müxbirimizin "nəyə görə məhkəmə zalını tərk etməliyəm?" sualını cavablandırarkən isə hakim cavab verib ki, prosesdə iştirak etmək üçün əvvəlcədən qeydiyyatdan keçməlisən".