İyul ayının 21-də 1 saylı İqtisad Məhkəməsində hakim R.Abbasovun sədrliyi ilə Kinorejissorlar Gildiyasının rəhbəri Hüseyn Mehdiyevin "Xəzər" TV-yə qarşı qaldırdığı iddia üzrə məhkəmə prosesi keçirilib.
Bu barədə RATİ-yə məlumat verən Mehdiyevin sözlərinə görə, hakim qaldırılmış iddianı təmin edib.
"Məhkəmənin qərarı ilə hakim "Xəzər" TV-də yayımlanan və "Azərbaycanfilm" və Kinorejissorlar Gildiyasına məxsus müəllif əsərlərinin nümayişini hüquq sahibləri ilə müqavilə bağlayana qədər qadağan etdi. Məhkəmə "Xəzər" TV-dən qeyri-qanuni olaraq müəllif əsərlərinin nümayişi ilə iddiaçılara vurulmuş maddi zərərin cavabdehdən tutulması və iddiaçılara ödənilməsini qət etdi", – deyə vurğulayan Mehdiyev maddi zərərin həcmini açıqlamaq istəmədi.
Xatırladaq ki, Azərbaycan Kinorejissorlar Gildiyasının rəhbəri, rejissor Hüseyn Mehdiyev müəllif qonorarlarını ödəmədiyi və hüquqi qaydaları pozduğuna görə "Xəzər" TV məhkəməyə vermişdi. Mehdiyev bu cür iddianın İctimai Televiziyaya qarşı qaldıracağını bildirib.