Aprelin 19-da Gəncə şəhər Nizami rayon Məhkəməsində hakim Emin Axundovun sədrliyi ilə orduda xidmətdən yayınmaqda ittiham olunan gənc fəal Bəxtiyar Hacıyevin işi üzrə məhkəmə prosesi keçirildi. Bu barədə RATİ-yə Bəxtiyar Hacıyevin vəkili İntiqam Əliyev məlumat veriblər.
Bəxtiyar Hacıyevin vəkilləri prosesdə foto və video çəkilişin aparılmasına icazə verilməsi, iş üzrə icraata xitam verilməsi və həbsin girovla əvəz edilməsi barədə vəsatətlərlə çıxış ediblər.
Dövlət ittihamçısı Abbasov bu vəsatətlərə etiraz etdiyini bildirdi və hakim vəsatətlərin heç birini təmin etməyib.
İntiqam Əliyev bildirdi ki, belə olan təqdirdə vəkillər Nizami rayon Məhkəməsinin tərkibinə etirazla bağlı məhkəməyə müraciət ediblər.
Hakim edilən bu müraciətin müzakirəsi ilə bağlı olaraq prosesi 20 aprel saat 11:00-a təyin edilməsi barədə qərar verdi.
Xatırladaq ki, Hacıyev barəsində cinayət işi yanvarın sonlarında açılıb. Elə həmin vaxt ondan yaşadığı yeri tərk etməmək haqqında iltizamnamə alınıb, fevralın əvvəllərində isə bu qətimkan tədbiri “polisin nəzarətində olma” ilə əvəz olunub.
Martın 4-də Hacıyev bir ay müddətinə həbs edilib. Hüquq mühafizə təşkilatları hesab edirlər ki, 2010-cu il parlament seçkilərində deputatlığa namizəd olmuş gənc fəal facebook-da gənclərin 11 mart “Böyük xalq günü” etiraz aksiyasını təyin edən qrupun üzvü olduğuna görə həbs olunub.