“YENİ ÇAĞ”, “ELÇİ” VƏ “HÜNƏR MEYDANI” QƏZETLƏRİNİN MƏHKƏMƏSİ TƏXİRƏ SALINDI

Bu gün (19 may) Bakı Apellyasiya Məhkəməsində hakim Əflatun Qasımovun sədrliyi ilə Qazax rayon sakinləri Vidadi Yusifov və Təranə Yusifovanın “Yeni Çağ” , “Elçi” və “Hünər Meydanı” qəzetlərinə qarşı iddiası üzrə məhkəmə prosesi keçirilməli idi. Prosesdə cavabdehlərdən yalnız “Yeni Çağ” qəzetinin baş redaktoru Aqil Ələsgər (Fərəcov) və onun vəkili Ağalar Ağaşirinov iştirak edirdi.

Ağalar Ağaşirinov digər cavabdehlərin prosesdə iştirak etməməyini əsas gətirərək məhkəmənin təxirə salınması ilə bağlı vəsatət qaldırdı.
Hakim vəsatəti təmin edərək prosesi 2 iyun saat 11:30-a qədər təxirə saldı.
Xatırladaq ki, iddiaya hər üç qəzetdə dərc olunmuş “Qazaxlı sahibkar” başlıqlı məqalə səbəb olub. İddiaçılar məqalədə şərəf və ləyaqətlərinin alçaldığını iddia ediblər və cavabdehlərin hər birinin 100 min manat həcmində cərimələnməsini tələb edirlər.
Previous Post

“NOTA” QƏZETİNİN BAŞ REDAKTOR ƏVƏZİ VƏ ƏMƏKDAŞLARINA QARŞI KEÇİRİLMƏLİ OLAN MƏHKƏMƏ PROSESİ TƏXİRƏ S

Next Post

“ÇAP EVİ” MƏTBƏƏSİ “NOTA” QƏZETİNİ ÇAP ETMƏKDƏN İMTİNA EDİB

Leave a Reply

Your email address will not be published.

Start typing to see posts you are looking for.