Bu gün (22 avqust) Yasamal Rayon Məhkəməsində Raqib Qurbanovun sədrliyi ilə Ədliyyə Nazirliyi Penitensiar Xidmətinin "Zerkalo" qəzeti və məqalə müəllifi Alyona Myaslikovaya qarşı iddiası üzrə məhkəmə prosesi keçirilib.
Bu haqda məlumatı RATİ-yə A.Myaslikova özü verib: ""Zerkalo" qəzetində "Ölüm cəzası", "Açıq vərəm zonası", "Qobustan qəbirstanlığı" adlı məqalələrim dərc olunub və həmin məqalələrə görə məni və "Zerkalo" qəzetini məhkəməyə veriblər. Buna görə, məndən 50 min manat AZN ödənilməsini, "Zerkalo" qəzetindən isə təkzibin verilməsini tələb edirlər. "Açıq vərəm zonası" adlı məqalədə yazdığım yazının nə qədər həqiqətə uyğun olub-olmamasını dəqiqləşdirmək üçün hakim Rəqib Qurbanov həmin zonada istintaqın aparılması qərarını çıxarıb. Hakim R.Qurbanov bildirib ki, istintaq araşdırması bitəndən sonra növbəti məhkəmə prosesində qərar açıqlanacaq. Proses 8 sentyabr saat 11.00-a təyin edilib".