Bu gün (10 iyul ) Nizami rayon Məhkəməsində hakim Ziya Əliyevin sədrliyi ilə “Azadlıq Hərəkatçıları Birliyi”nin (AHB) sədri Təhmasib Novruzovun “Nota” qəzetinin baş redaktoru Sərdar Əlibəyliyə (Əliyev) qarşı Azərbaycan Respublikası Cinayət Məcəlləsinin (CM) 148-ci (təhqir), qəzetin əməkdaşları Ramiz Tağıyev və Fərəməz Novruzoğluna (Allahverdiyev) qarşı isə 147.2-ci (ağır və ya xüsusilə ağır cinayətdə ittiham etməklə böhtan atma) maddələrinə əsasən xüsusi ittiham qaydasında qaldırdığı iddia üzrə məhkəmə prosesi keçirildi.
Prosesdə tərəflərin çıxışları dinlənilib. İddiaçı Təhmasib Novruzov və vəkili Əzizağa Həbilov çıxış edərək, iddianı müdafiə etdiklərini bildirdilər və cavabdehlərin cəzalandırılmasının məhkəmədən xahiş etdilər.
Cavabdehlər – Sərdar Əlibəyli, Fərəməz Novruzoğlu və Ramiz Tağıyev isə iddianın əsassız olduğunu deyərək, rədd olunmasını istədilər.
Cavabdehlərdən biri – Fərəməz Novruzoğlunun hakimə etiraz edərək, işin başqa hakimin icraatına verilməsi ilə bağlı qaldırdığı vəsatəti hakim qəbul etmədi və növbəti prosesi 17 iyul 14:00-a təyin etdi.
Cavabdehlər – Sərdar Əlibəyli, Fərəməz Novruzoğlu və Ramiz Tağıyev isə iddianın əsassız olduğunu deyərək, rədd olunmasını istədilər.
Cavabdehlərdən biri – Fərəməz Novruzoğlunun hakimə etiraz edərək, işin başqa hakimin icraatına verilməsi ilə bağlı qaldırdığı vəsatəti hakim qəbul etmədi və növbəti prosesi 17 iyul 14:00-a təyin etdi.
Qeyd edək ki, bu ilin mart ayında T.Novruzov haqqında yazılmış məqalələrlə bağlı Sərdar Əlibəyli, Ramiz Tağıyev və Fərəməz Novruzoğlu barəsində iddia qaldırmış və 31 mart tarixində Xətai rayon Məhkəməsində hakim Toğrul Əliyev yazılmış məqalələrin yanlış olması ilə bağlı “Nota” qəzetinin təkzib verməsi, üzr istəməsi barədə qətnamə qəbul etmişdi. Qətnaməyə əsasən təkzib verməli olan “Nota” qəzetinin 05-11 Aprel 2009 -cu il tarixli sayında dərc olunan “Şərəfi tapdanmış, ləyaqəti alçalmış Təhmasib Novruzovdan üzrxahlıq yazısı” başlıqlı məqaləyə görə T.Novruzov yenidən xüsusi ittiham qaydasında iddia qaldırmış və cavabdehlərin CM-nin 147.2 və 148-ci maddələrinə əsasən xüsusi ittiham qaydasında cəzalandırılmasını tələb edir.