Dünən (31 mart) 1 saylı Bakı İqtisad Məhkəməsində hakim Tahirə Əsədovanın sədrliyi ilə “Gündəlik Bakı” qəzetinin Mətbuat Şurasının (MŞ) sədri Əflatun Amaşova qarşı iddiasına əsasən məhkəmə prosesi keçirildi.
Prosesdə iddiaçı “Gündəlik Bakı” qəzetinin baş redaktoru Habil Vəliyev və vəkili Zaur İbadov, cavabdeh qismində MŞ-nın səlahiyyətli nümayəndəsi Şəmsəddin Əliyev iştirak edirdilər.
Vəkil Z. İbadov vəsatət qaldıraraq, MŞ-nın əmlakının siyahıya alınması və əmlaka həbs qoyulması barədə qərardad qəbul edilməsi və proses başa çatana kimi cavabdehin iddiaçıya qarşı hərəkətlərinə qadağa qoyulmasını məhkəmədən xahiş etdi.
Cavabdehin nümayəndəsi Ş.Əliyev bu vəsatətin əsassız olduğunu bildirərək, vəsatətin rədd olunmasını istədi.
Vəsatətə münasibət üçün müşavirə elan ediləndən sonra hakim T.Əsədova vəsatətin təmin edilmədiyini bildirdi.
İddiaçının vəkili Z. İbadov sözügedən qəzetin “reket” elan olunması ilə bağlı keçirilən iclasın protokolunun məhkəməyə təqdim olunmasını istədi.
Cavabdehin vəkili Ş.Əliyev protokolu təqdim etməkdən imtina etdiyini bildirdi.
Hakim T. Əsədova növbəti prosesi 2 aprel saat 17:00-a təyin etdi.
Xatırladaq ki, 2009-cu ilin dekabrın 30-da Mətbuat Şurası “Gündəlik Bakı” qəzetinin “reket”lər siyahısına salınması barədə qərar çıxarıb. Qəzet rəhbərliyi qərarla bağlı təkzib verilməsi, mənəvi ziyana görə 100.000 (yüz min) manat, maddi ziyana görə isə 50 min manat cərimə ödəməsi ilə bağlı iddia qaldırıblar.
Vəkil Z. İbadov vəsatət qaldıraraq, MŞ-nın əmlakının siyahıya alınması və əmlaka həbs qoyulması barədə qərardad qəbul edilməsi və proses başa çatana kimi cavabdehin iddiaçıya qarşı hərəkətlərinə qadağa qoyulmasını məhkəmədən xahiş etdi.
Cavabdehin nümayəndəsi Ş.Əliyev bu vəsatətin əsassız olduğunu bildirərək, vəsatətin rədd olunmasını istədi.
Vəsatətə münasibət üçün müşavirə elan ediləndən sonra hakim T.Əsədova vəsatətin təmin edilmədiyini bildirdi.
İddiaçının vəkili Z. İbadov sözügedən qəzetin “reket” elan olunması ilə bağlı keçirilən iclasın protokolunun məhkəməyə təqdim olunmasını istədi.
Cavabdehin vəkili Ş.Əliyev protokolu təqdim etməkdən imtina etdiyini bildirdi.
Hakim T. Əsədova növbəti prosesi 2 aprel saat 17:00-a təyin etdi.
Xatırladaq ki, 2009-cu ilin dekabrın 30-da Mətbuat Şurası “Gündəlik Bakı” qəzetinin “reket”lər siyahısına salınması barədə qərar çıxarıb. Qəzet rəhbərliyi qərarla bağlı təkzib verilməsi, mənəvi ziyana görə 100.000 (yüz min) manat, maddi ziyana görə isə 50 min manat cərimə ödəməsi ilə bağlı iddia qaldırıblar.