Bu gün (22 aprel) Yasamal Rayon Məhkəməsində hakim Xəqani Məmmədovun sədrliyi ilə millət vəkili Pənah Hüseynin Əmək və Əhalinin Sosial Müdafiəsi naziri Füzuli Ələkbərova qarşı qaldırdığı iddiaya əsasən məhkəmə prosesi keçirilib.
Hakim birinci vəsatətin təmin edilməməsi, iddia tələbinin dəyişdirilməsi ilə bağlı vəsatətin isə qəbul edilməsi ilə bağlı qərar qəbul etdi.
Qarşı tərəfin nümayəndəsi bildirdi ki, indiyədək Pənah Hüseyn tərəfindən Əmək və Əhalinin Sosial Müdafiəsi Nazirliyinə bir sorğu daxil olmuşdur ki, bunun da da iddiaya səbəb olan sorğu ilə əlaqəsi yoxdur.
Pənah Hüseyn isə 2007-ci ilin avqustunda nazirliyə daxil olan məktubların reyestr kitabının məhkəməyə təqdim edilməsi ilə bağlı vəsatət verdi. Hakim bu vəsatəti də təmin edərək növbəti prosesi 29 aprel saat 11:00-a təyin etdi.
Xatırladaq ki, Pənah Hüseyn 2007-ci ildən yazılı və şifahi şəkildə Əmək və Əhalinin Sosial Müdafiəsi Nazirliyinə müraciət edərək, Sabirabadda yaşayan və ünvanlı sosial yardım müavinəti alan şəxslərin ailələri, yaşadıqları ünvan, aldıqları yardımın məbləği və komissiya qərarlarının saatı göstərilməklə, məlumatların siyahı şəklində ona verilməsini istəyib. Nazirlik isə sorğuların bəzisinə ümumi cavab versə də, 23.08.2007-ci il tarixli sorğunu cavablandırmamışdır.