Bu gün (16 dekabr) Binəqədi rayon Məhkəməsində hakim Maarif Kazımovun sədrliyi ilə “Ədalət” Partiyasının sədri, Azərbaycan Milli Məclisinin üzvü (millət vəkili) İlyas İsmayılovun Cinayət Məcəlləsinin (CM) 147 və 148-ci maddələri ilə xüsusi ittiham qaydasında “Nota” qəzetinin baş məsləhətçisi Fərəməz Novruzoğluna (Allahverdiyev) və “24 saat” qəzetinin baş redaktoru İlham Tumasa (Ağayev) qarşı qaldırdığı iddia üzrə məhkəməyə hazırlıq iclası keçirilib.
Qeyd edək ki, iddiaya səbəb “24 saat” qəzetinin 28 may 2008-ci il tarixli sayında “Rusiya İlyas İsmayılovun üstündən xətt çəkib” (Məqalədə İsmayılov separatçılarla əlaqəli olmaqda və Rusiyanın sifarişi ilə fəaliyyət göstərən siyasətçi olmaqda ittiham edilib – red.) başlıqlı məqaləsi olub.
Məhkəmədə çıxış edən Novruzoğlu sözü gedən məqalənin onun tərəfindən yazılmadığını bildirib: “Mən hər hansı bir qəzetə yazı təqdim edərkən həmin yazının əlyazmasını öz imzamla təsdiqləyirəm. Belə bir yazını yazıb həmin qəzetə verməmişəm və bunu sübut edən heç bir əsas da yoxdur”.
Prosesdə digər cavabdeh – Tumasın iştirak etmədiyi üçün sonda hakim prosesi dekabrın 23-ü saat 15.00-a qədər təxirə salıb.
Qeyd edək ki, məhkəməyə hazırlıq iclasında RATİ əməkdaşlarına foto və video çəkiliş aparmağa icazə verilməyib.
Mövzu ilə bağlı video:http://www.irfs.az/content/view/1643/31/lang,az/
Məhkəmədə çıxış edən Novruzoğlu sözü gedən məqalənin onun tərəfindən yazılmadığını bildirib: “Mən hər hansı bir qəzetə yazı təqdim edərkən həmin yazının əlyazmasını öz imzamla təsdiqləyirəm. Belə bir yazını yazıb həmin qəzetə verməmişəm və bunu sübut edən heç bir əsas da yoxdur”.
Prosesdə digər cavabdeh – Tumasın iştirak etmədiyi üçün sonda hakim prosesi dekabrın 23-ü saat 15.00-a qədər təxirə salıb.
Qeyd edək ki, məhkəməyə hazırlıq iclasında RATİ əməkdaşlarına foto və video çəkiliş aparmağa icazə verilməyib.
Mövzu ilə bağlı video:http://www.irfs.az/content/view/1643/31/lang,az/