Dünən (11 iyun) Lənkəran şəhər Məhkəməsində hakim Azər Səmədovun sədrliyi ilə Pərviz Əzimovun Lənkəran Dövlət Universitetindən (LDU) xaric olunması ilə bağlı əmrin qanunsuz hesab olunması barədə iddiasına əsasən məhkəmə prosesi keçirilib.
Bu barədə Reportyorların Azadlıq və Təhlükəsizlik İnstitutuna (RATİ) Pərviz Əzimovun özü məlumat verib.
“Hakim Azər Səmədov hər iki tərəfə barışıq təklif etdi. Mən universitetə yenidən bərpa olunacağım təqdirdə bunu qəbul edəcəyimi bildirdim. Eyni zamanda LDU-nun nümayəndəsi bu barədə rəhbərlikdə müzakirə aparılacağını bildirdi” – deyə P. Əzimov məlumat verib.
P. Əzimovun səlahiyyətli nümayəndəsi, “Media Hüquqları” İnstitutunun vəkili Xalid Ağaliyev proses barədə RATİ-yə məlumatında deyib ki, tələbə universitetdən xaric olunduğu üçün məhkəmə hərbi xidmət haqqında sənəd tələb edib və prosesi qeyri-müəyyən vaxta təxirə salınıb.
Xatırladaq ki, LDU rəhbərliyi tələbənin nizam-intizam qaydalarını pozmasına görə universitetdən qovulduğunu bildirir. P.Əzimov isə universitetdə baş verən qanunsuz hallarla bağlı “Cənub Xəbərləri” qəzetinin 10 fevral, 2009-cu il tarixli sayında dərc etdirdiyi “Qapalı otaqlarda açıq bazar” məqaləsinə görə universitetdən qovulduğunu iddia edir.
“Hakim Azər Səmədov hər iki tərəfə barışıq təklif etdi. Mən universitetə yenidən bərpa olunacağım təqdirdə bunu qəbul edəcəyimi bildirdim. Eyni zamanda LDU-nun nümayəndəsi bu barədə rəhbərlikdə müzakirə aparılacağını bildirdi” – deyə P. Əzimov məlumat verib.
P. Əzimovun səlahiyyətli nümayəndəsi, “Media Hüquqları” İnstitutunun vəkili Xalid Ağaliyev proses barədə RATİ-yə məlumatında deyib ki, tələbə universitetdən xaric olunduğu üçün məhkəmə hərbi xidmət haqqında sənəd tələb edib və prosesi qeyri-müəyyən vaxta təxirə salınıb.
Xatırladaq ki, LDU rəhbərliyi tələbənin nizam-intizam qaydalarını pozmasına görə universitetdən qovulduğunu bildirir. P.Əzimov isə universitetdə baş verən qanunsuz hallarla bağlı “Cənub Xəbərləri” qəzetinin 10 fevral, 2009-cu il tarixli sayında dərc etdirdiyi “Qapalı otaqlarda açıq bazar” məqaləsinə görə universitetdən qovulduğunu iddia edir.