Bu gün (12 iyun) Binəqədi rayon Məhkəməsində hakim Allahverən Həsənovun sədrliyi ilə “Korrupsiya və Cəmiyyət” jurnalının baş redaktoru Məmməd Əhmədoğlunun Mətbuat Şurasına (MŞ) və qurumun sədr müavini Vüqar Rəhimzadəyə qarşı iddiasına əsasən məhkəmə prosesi baş tutmadı.
Prosesdə iddiaçı tərəf iştirak etsə də, artıq üçüncü dəfə cavabdeh tərəflərdən heç bir nümayəndə iştirak etmədi. Hakim bildirdi ki, cavabdeh tərəf MŞ sədrinin xarici səfərdə olması ilə bağlı məhkəməyə müraciət edib. Bu səbəbdən, növbəti proses 19 iyun saat 16:00-a təxirə salındı.
Xatırladaq ki, MŞ bir müddət əvvəl “reket” qəzetlərin siyahısını açıqlayarkən, “Korrupsiya və Cəmiyyət” jurnalını da bu siyahıya daxil edib. Bu səbəbdən də M.Əhmədoğlu Binəqədi rayon Məhkəməsinə müraciət edərək, MŞ-nin təkzib verərək üzr istəməsini və dəymiş mənəvi ziyana görə cavabdehlərin hər birinin 4.000 (dörd min) manat ödəməsini istəyir.
Xatırladaq ki, MŞ bir müddət əvvəl “reket” qəzetlərin siyahısını açıqlayarkən, “Korrupsiya və Cəmiyyət” jurnalını da bu siyahıya daxil edib. Bu səbəbdən də M.Əhmədoğlu Binəqədi rayon Məhkəməsinə müraciət edərək, MŞ-nin təkzib verərək üzr istəməsini və dəymiş mənəvi ziyana görə cavabdehlərin hər birinin 4.000 (dörd min) manat ödəməsini istəyir.