Bu gün (07 avqust) Yasamal rayon Məhkəməsinin hakimi Xaqani Tağıyevin sədrliyi ilə "Azadlıq" qəzetinin əməkdaşı Aqil Xəlilin Baş Prokurorluğa, müstəntiq Əli Quliyevə və telekanallara (AzTV, "Lider", "Space" və ATV) qarşı qaldırdığı iddia üzrə məhkəmə prosesi keçirilməli idi.
Amma iddiaçı tərəfin prosesdə iştirak etmədiyinə görə, hakim məhkəmə iclasını 28 avqust saat 15.00-a qədər təxirə saldı. Hakim X. Tağıyevin sözlərinə görə, həmin gün prosesin yekunlaşacağı gözlənilir və bu səbəbdən də o, həm iddiaçının, həm də cavabdehlərin bu prosesə qatılmalarını zəruri hesab etdi.
Qeyd edək ki, hazırda Fransada mühacirətdə olan A. Xəlilin maraqlarını bu prosesdə vəkil Elçin Sadıqov müdafiə edir.
Hansı səbəbdən prosesə qatılmadığı ilə bağlı RATİ-nin sualını cavablandıran E. Sadıqov qeyd etdi ki, o, şəxsi işi çıxdığına görə prosesdə iştirak etməyib.
Qeyd edək ki, hazırda Fransada mühacirətdə olan A. Xəlilin maraqlarını bu prosesdə vəkil Elçin Sadıqov müdafiə edir.
Hansı səbəbdən prosesə qatılmadığı ilə bağlı RATİ-nin sualını cavablandıran E. Sadıqov qeyd etdi ki, o, şəxsi işi çıxdığına görə prosesdə iştirak etməyib.