İyulun 30-da Sülh və Demokratiya İnstitutunun direktoru Leyla Yunus mülki geyimlilər tərəfindən saxlanılıb. Ona qarşı Cinayət Məcəlləsinin 274-cü (dövlətə xəyanət), 213-cü (vergidən yayınma), 192-ci (qanunsuz sahibkarlıq), 320-ci (sənədləri saxtalaşdırma) və 178.3.2-ci (külli miqdarda ziyan vurmaqla dələduzluq) maddələri üzrə ittiham irəli sürülüb. Baş Prokurorluun Ağır Cinayətlər üzrə İstintaq İdarəsində 6 saat dindirildikdən sonra barəsində həbs qətimkan tədbiri seçilməsi üçün Nəsimi Rayon məhkəməsinə aparılıb. Məhkəmə Leyla Yunus barəsində 3 aylıq həbs qətimkan tədbiri seçib.
Hüquq müdafiəçisinin həyat yoldaşı Arif Yunusa qarşı da dövlətə xəyanət də dələduzluq maddələri üzrə ittiham irəli sürülüb və barəsində polis nəzarətinə verilmə qətimkan tədbiri seçilib.
Vəkil Cavad Cavadov Leyla və Arif Yunusun irəli sürülmüş ittihamları qəbul etmədiyini bildirib.
Xatırladaq ki, Leyla Yunus və həyat yoldaşı aprelin 28-də ölkədən çıxmaq istəyən zaman saxlanılmış, evində axtarış aparılmış daha sonra pasportları əllərindən alınaraq sərbəst buraxılmışdılar.