20 gündən artıqdır ki, Naxçıvan Muxtar Respublika Psixi Xəstəliklər Dispanserində saxlanılan Naxçıvan şəhər sakini 57 yaşlı Məhəmməd Qurbanova ailəsi və yaxınları ilə görüşməyə icazə verilmir. Bu barədə RATİ-nin Naxçıvandakı bölgə müxbirinə M. Qurbanovun həyat yoldaşı Fəridə İsmayılova deyib.
Sentyabrın 30-da isə M. Qurbanovla bağlı Naxçıvan Muxtar Respublika “Demokratiya və Qeyri hökumət Təşkilatlarının İnkişaf Resurs” Mərkəzi Azərbaycanda fəaliyyət göstərən beynəlxalq təşkilatlara və yerli hüquq müdafiə təşkilatlarına müraciət ünvanlayıb. Müraciətdə hüquq müdafiə təşkilatları Muxtar Respublikada insan haqları sahəsində baş verən qanun pozuntularına ciddi reaksiya verilməyə çağırılır.
“Naxçıvanda baş verən haqsızlıqlara ictimai reaksiya verilməzsə, etirazçı səslərin boğulması üçün təcrübədən keçirilən bu repressiv üsul paytaxta və Azərbaycanın digər bölgələrində də həyata keçirilə bilər”.
Xatırladaq ki, Naxçıvan şəhər sakini, kiçik sahibkar, 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etdiyi üçün 11 sentyabr 2009-cu il tarixdə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Psixi Xəstəliklər Dispanserinə yatırılıb.
“Naxçıvanda baş verən haqsızlıqlara ictimai reaksiya verilməzsə, etirazçı səslərin boğulması üçün təcrübədən keçirilən bu repressiv üsul paytaxta və Azərbaycanın digər bölgələrində də həyata keçirilə bilər”.
Xatırladaq ki, Naxçıvan şəhər sakini, kiçik sahibkar, 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etdiyi üçün 11 sentyabr 2009-cu il tarixdə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Psixi Xəstəliklər Dispanserinə yatırılıb.