Sədərəkdə polis özbaşınalığından şikayət etdiyi üçün 12 yanvar 2009-cu il tarixdə saat 11:00-da Sədərək rayon polis şöbəsinin əməkdaşları tərəfindən polis şöbəsinə aparılan və orada saxlanılan 56 yaşlı Vəliyev İbrahim və həyat yoldaşı Vəliyeva Türkan 16 yanvar 2009-cu il tarixdə sərbəst buraxılıb.
Onlara evdən çıxmaq və kiminləsə əlaqə saxlamaq yasaq edilib. Məlumatı RATİ-nin Naxçıvandakı müxbirinə Vəliyev İbrahimin adının çəkilməsini istəməyən qohumu bildirib.
Xatırladaq ki, 24 dekabr 2008-ci il tarixidə bir qrup gənc əsassız olaraq (http://www.nakhchivan.org.az/content/view/762/28/lang,az/) Sədərək rayon Polis Şöbəsinə aparılaraq səhərə qədər orada saxlanılmışdı. Polis Şöbəsində gənclərə qarşı fiziki, mənəvi və psixoloji təzyiqlər edildiyi üçün onların valideynləri Azərbaycan Respublikası Daxili İşlər Nazirliyinə, Azərbaycan Respublikası prezidentinə şikayət (http://www.nakhchivan.org.az/content/view/762/28/lang,az/) ərizəsi yazıblar. Vəliyev İbrahim və həyat yoldaşı Vəliyeva Türkan da həmin valideynlər sırasındadır. Bir müddət bundan əvvəl isə Sədərək rayon Su Təsərrüfatı İdarəsində mexanizator (traktor sürücüsü) işləyən İbrahim Vəliyev işdən qovulmuşdu.