“Bizim yol” qəzetinin əməkdaşı Müşfiq Hüseynovun adı Avropa Şurası Parlament Assambleyasının (AŞPA) xəstə siyasi məhbuslar siyahısına daxil edilib.
“Bizim yol” qəzetinin bu günkü sayında verilən məlumata görə bunu jurnalistlərlə söhbətində AŞPA-nın yay sessiyasından qayıdan hüquq müdafiəçisi Novella Cəfəroğlu bildirib. Hüquq müdafiəçisi Hüseynovun həbsində siyasi motivlərin olduğunu və buna görə də onun adının siyahıya salındığını vurğulayıb.
Xatırladaq ki, Müşfiq Hüseynov Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixdə çıxardığı qərarla 6 il müddətinə azadlıqdan və 2 il müddətinə isə jurnalist fəaliyyəti ilə məşğul olmaq hüququndan məhrum edilmişdi. Apellyasiya Məhkəməsi isə yalnız jurnalistə verilən 6 il cəzanı 5 illə əvəz edib.
Hüseynov vərəm xəstəliyindən əziyyət çəkir, onun öhdəsində iki azyaşlı uşaq var.
Xatırladaq ki, Müşfiq Hüseynov Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixdə çıxardığı qərarla 6 il müddətinə azadlıqdan və 2 il müddətinə isə jurnalist fəaliyyəti ilə məşğul olmaq hüququndan məhrum edilmişdi. Apellyasiya Məhkəməsi isə yalnız jurnalistə verilən 6 il cəzanı 5 illə əvəz edib.
Hüseynov vərəm xəstəliyindən əziyyət çəkir, onun öhdəsində iki azyaşlı uşaq var.