Reportyorların Azadlıq və Təhlükəsizlik İnstitutu 6 il əvvəl – 2003-cü ilin 16 oktyabr hadisələrində jurnalistlərin kütləvi şəkildə döyülməsi faktlarının bu günə kimi araşdırılmamağını böyük təəssüf hissi ilə qarşılayır və Azərbaycan hakimiyyətini jurnalistlərə qarşı zorakılıq tətbiq edənləri cəzalandırmağa çağırır.
Belə ki, 15 oktyabr 2003-cü ildə keçirilən prezident seçkisindən bir gün sonra – 16 oktyabrda “Azadlıq” meydanında baş tutan mitinqdə polis nəfərləri və Daxili Qoşunların əsgərləri ilə yanaşı, hansı quruma aid olduqları məlum olmasa da, qara rəngli xüsusi uniformada olan xüsusi hazırlıqlı şəxslər və mülki geyimli qoçu dəstələri aksiya iştirakçılarına və jurnalistlərə qarşı fiziki təzyiqlər göstəriblər. Təzyiqə məruz qalmış jurnalistlərin yerli qanunvericilikdə və beynəlxalq hüquqi aktlarda nəzərdə tutulmuş bir çox hüquqları – Azərbaycan Respublikasının Konstitusiyasının 50-ci maddəsi (məlumat azadlığı), Azərbaycanın Respublikasının Cinayət Məcəlləsinin 163-cü maddəsi (jurnalistin peşə fəaliyyətinə müdaxilə) və İnsan hüquqlarının və əsas azadlıqların müdafiəsi haqqında Avropa Konvensiyasının 10-cu (İfadə Azadlığı) maddəsi pozulmuşdur. Qanuni peşə fəaliyyətini yerinə yetirərək məlumat toplamaq istəyən jurnalistlərə fiziki təzyiq göstərənlərin tapılaraq cəzalandırılması üçün dəfələrlə beynəlxalq təşkilatlar Azərbaycan hökumətinə müraciət etsələr də, bu istiqamətində hələ də nəticə əldə olunmamışdır.
RATİ onu da vurğulayır ki, 2003-cü ildə baş vermiş hadisədəki günahkarların cəzalandırılmamasının nəticəsidir ki, keçən 6 il ərzində jurnalistlərə qarşı hüquq-mühafizə orqanları tərəfindən fiziki təzyiq halları səngiməmiş, əksinə günbəgün artmışdır.
RATİ bir daha Azərbaycan hökumətini siyasi iradə nümayiş etdirib jurnalistlərə qarşı fiziki təzyiq göstərən şəxslərin tapılıb cəzalandırılmasına çağırır.
RATİ onu da vurğulayır ki, 2003-cü ildə baş vermiş hadisədəki günahkarların cəzalandırılmamasının nəticəsidir ki, keçən 6 il ərzində jurnalistlərə qarşı hüquq-mühafizə orqanları tərəfindən fiziki təzyiq halları səngiməmiş, əksinə günbəgün artmışdır.
RATİ bir daha Azərbaycan hökumətini siyasi iradə nümayiş etdirib jurnalistlərə qarşı fiziki təzyiq göstərən şəxslərin tapılıb cəzalandırılmasına çağırır.