Dünən (11 avqust) Nəsimi rayon məhkəməsində hakim Şahin Abdullayevin sədrliyi ilə Hüquq Maarifçiliyi Cəmiyyətinin prezidenti İntiqam Əliyevin Vəkillər Kollegiyasına qarşı Vəkillər Kollegiyasının (VK) üzvlüyünə qəbuldan imtinanın qanunsuz sayılması, VK-nın isə İ.Əliyevə qarşı işgüzar nüfuzun müdafiəsinə dair qarşılıqlı iddiası üzrə məhkəmə prosesi keçirilib.
Proses tərəflərin çıxışı ilə davam etdirilib. İntiqam Əliyevin “Məni nəyə görə Vəkillər Kollegiyasına qəbul etmirsiniz” sualına VK-nın təmsilçisi Məzahir Sadıqov “VK-nın Rəyasət Heyətinin iclası kimi rəsmi bir yerdə ayağını ayağı üstündə aşırıb oturan, VK-nın təsis yığıncağının etibarsızlığı ilə bağlı məhkəmələrdə iddia qaldıran, qəzetlərdə VK-nın rəhbərliyi, üzvləri barəsində tənqidi yazılar yazan, onların işgüzar nüfuzunu, şərəf və ləyaqətini ləkələyən adamın bu quruma üzv olmaq üçün mənəvi haqqı yoxdur” cavabını verdi.
Hakim müşavirədən sonra İ.Əliyevin VK-ya qəbuldan imtinanın qanunsuz sayılması barədə tələbini rədd edib. Həmçinin tərəflərin bir-birlərinə qarşı kompensasiya tələbləri də təmin olunmayıb.
İntiqam Əliyev Reportyorların Azadlıq və Təhlükəsizlik İnstitutuna bildirib ki, sifarişli verilmiş bu qərarla razı olmadığına görə, apellyasiya şikayəti verəcək.
Hakim müşavirədən sonra İ.Əliyevin VK-ya qəbuldan imtinanın qanunsuz sayılması barədə tələbini rədd edib. Həmçinin tərəflərin bir-birlərinə qarşı kompensasiya tələbləri də təmin olunmayıb.
İntiqam Əliyev Reportyorların Azadlıq və Təhlükəsizlik İnstitutuna bildirib ki, sifarişli verilmiş bu qərarla razı olmadığına görə, apellyasiya şikayəti verəcək.