Bu gün (11 avqust) Lənkəran şəhər Məhkəməsində hakim Cavanşir Məmmədovun sədrliyi ilə Pərviz Əzimovun Lənkəran Dövlət Universitetindən (LDU) xaric olunması ilə bağlı əmrin qanunsuz hesab olunması barədə iddiasına əsasən məhkəmə prosesi keçirildi.
Bu barədə Reportyorların Azadlıq və Təhlükəsizlik İnstitutuna (RATİ) P.Əzimovun vəkili Yaşar Ağazadə məlumat verib.Prosesdə cavabdeh tərəfdən LDU-nun prorektoru Ruslan Həmidov, iddiaçı qismində isə P.Əzimov və vəkili Y.Ağazadə iştirak ediblər.
“Hakim dəyişdiyinə görə tədqiqat ilkin mərhələdən başladı və prosesdə tərəflərin izahatları dinlənldi. Hakim növbəti prosesi 19 avqust, saat 16:00-a təyin etdi” – deyən Y.Ağazadə bildrdi ki, növbəti prosesdə tərəflərin sual-cavabı mərhələsi olacaq.
Xatırladaq ki, LDU-nun rəhbərliyi tələbənin nizam intizam qaydalarını pozmasına görə universitetdən qovulduğunu bildirir. P.Əzimov isə universitetdə baş verən qanunsuz hallarla bağlı “Cənub Xəbərləri” qəzetinin 10 fevral 2009-cu il tarixli sayında dərc etdirdiyi “Qapalı otaqlarda açıq bazar” məqaləsinə görə universitetdən qovulduğunu iddia edir.