Martın 11-də “Media forum” saytına açıqlamasında vəkil Anar Qasımov qeyd edib ki, bu vəsatətlərin geri qaytarılmasından məhkəməyə şikayət edəcək.
Qeyd edək ki, martın 9-da Səhiyyə Nazirliyi Respublika Narkoloji Dispanserinin həkimləri ekspertiza keçiriblər və Cabbar Savalanlının narkotikdən nə fiziki, nə də psixoloji asılılığı və məcburi müalicəyə ehtiyacı olmadığı barədə rəy veriblər. Bununla belə, sənəddə gəncin narkotikdən istifadə etməsi istisna edilmir.
Xatırladaq ki, Cabbar Savalanlı fevralın 5-də qanunsuz narkotik saxlamaq ittihamı ilə həbs edilib. Cabbar Savalanlıya Cinayət Məcəlləsinin 234.1-ci maddəsi ilə (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) cinayət işi açılıb. Lakin onun sosial şəbəkələrdə iqtidar əleyhinə səsləndirdiyi fikirlərə görə həbs olunmağı istisna edilmir.