Yanvar ayının 7-də “Azadlıq” və “Bizim yol” qəzetlərində dərc edilmiş xəbərlərə görə, yanvar ayının 6-da Rabitə və İnformasiya Texnologiyaları Nazirliyinin əməkdaşları “Azadlıq” radiosunun Bakı bürosunun ofisinə gedib və radionun telekommunikasiya xətlərini, ötürücülərini kəsməyə cəhd göstəriblər.
Rabitə və İnformasiya Texnologiyaları Nazirliyinin Radio-Televiziya Yayımı və Peyk Rabitəsi İstehsalat Birliyinin baş direktoru Əflatun Şərifov isə RATİ-yə bildirdi ki, nazirliyin heç bir əməkdaşı Milli Televiziya və Radio Şurasının xarici radiostansiyaların (“Azadlıq”, “Amerikanın səsi” və BBC) FM tezliklərində yayımının dayandırılmağı barədə 2008-ci il dekabrın 30-da çıxardığı qərarla əlaqədar heç bir radiostansiyanın ofisinə getməyib.
“Azadlıq” radiosunun Bakı bürosundan isə, bu xəbər nə təsdiq, nə də təkzib edildi. Radiodan bildirildi ki, məsələ ilə bağlı “Azadlıq və Azad Avropa” radiosunun mərkəzi ofisi xüsusi məlumat yayacaq.
Qeyd edək ki, Milli Televiziya və Radio Şurasının 2008-ci il dekabrın 30-da çıxardığı qərara görə, “Azadlıq”, “Amerikanın səsi ” və BBC radiostansiyalarının Azərbaycan ərazisində FM tezliyində yayımı 2009-cu il yanvarın 1-dən dayandırılıb.
“Azadlıq” radiosunun Bakı bürosundan isə, bu xəbər nə təsdiq, nə də təkzib edildi. Radiodan bildirildi ki, məsələ ilə bağlı “Azadlıq və Azad Avropa” radiosunun mərkəzi ofisi xüsusi məlumat yayacaq.
Qeyd edək ki, Milli Televiziya və Radio Şurasının 2008-ci il dekabrın 30-da çıxardığı qərara görə, “Azadlıq”, “Amerikanın səsi ” və BBC radiostansiyalarının Azərbaycan ərazisində FM tezliyində yayımı 2009-cu il yanvarın 1-dən dayandırılıb.