Polis özbaşınalıqlarından şikayət etdiyi üçün Ruhi Xəstəliklər Dispanserinə yatırılan I qrup gözdən əlil Hüseynov İsmayıl Süleyman oğlunun və ailə üzvlərinin harada olduğu bəlli oldu.
İ. Hüseynov Ruhi Xəstəliklər Dispanserindən çıxarılaraq məcburi qaydada Bakıda yaşayan oğlu ilə birlikdə Bakı şəhərinə göndərilib. Həyat yoldaşı Xanımzər Hüseynova və oğlu Elvin Həsənov isə ev dustağı edilib. E. Həsənovun mobil telefonu əlindən alınıb və ev telefonları xətdən ayrılıb. Onlara polis nəzarət edir. Həsənovlara evdən çıxmaq və kiminləsə əlaqə saxlamaq yasaq edilib. Bunları RATİ-nin Naxçıvandakı müxbirinə X. Hüseynovanın qardaşı Məhərrəm İsmayılov bildirib.
Xatırladaq ki, 24 dekabr 2008-ci il tarixində bir qrup gənc əsassız olaraq (http://www.nakhchivan.org.az/content/view/762/28/lang,az/) Sədərək rayon Polis Şöbəsinə aparılaraq səhərə qədər orada saxlanılmışdı. Polis Şöbəsində gənclərə qarşı fiziki, mənəvi və psixoloji təzyiqlər edildiyi üçün onların valideynləri Azərbaycan Respublikası Daxili İşlər Nazirliyinə, Azərbaycan Respublikası prezidentinə şikayət (http://www.irfs.az/component/option,com_datsogallery/Itemid,30/func,detail/catid,175/id,1755/lang,az/) ərizəsi yazıblar.
Digər ərizəçi valideynlər – Vəliyev İbrahim və həyat yoldaşı Vəliyeva Türkan isə yanvarın 12-də Sədərək rayon Polis Şöbəsinə aparılıb. Hazırda onlar haqqında heç bir məlumat verilmir.
Xatırladaq ki, 24 dekabr 2008-ci il tarixində bir qrup gənc əsassız olaraq (http://www.nakhchivan.org.az/content/view/762/28/lang,az/) Sədərək rayon Polis Şöbəsinə aparılaraq səhərə qədər orada saxlanılmışdı. Polis Şöbəsində gənclərə qarşı fiziki, mənəvi və psixoloji təzyiqlər edildiyi üçün onların valideynləri Azərbaycan Respublikası Daxili İşlər Nazirliyinə, Azərbaycan Respublikası prezidentinə şikayət (http://www.irfs.az/component/option,com_datsogallery/Itemid,30/func,detail/catid,175/id,1755/lang,az/) ərizəsi yazıblar.
Digər ərizəçi valideynlər – Vəliyev İbrahim və həyat yoldaşı Vəliyeva Türkan isə yanvarın 12-də Sədərək rayon Polis Şöbəsinə aparılıb. Hazırda onlar haqqında heç bir məlumat verilmir.