“Azadlıq” radiosunun Azərbaycan xidmətinin xəbərlərini artıq mobil telefonlarda, PDA və başqa simsiz aparatlarda da oxumaq mümkündür.
Bu barədə Reportyorların Azadlıq və Təhlükəsizlik İnstitutuna (RATİ) “Azadlıq” radiosunun Bakı bürosunun rəhbəri Xədicə İsmayılova məlumat verib. X. İsmayılovanın sözlərinə görə, istifadəçilər telefon vasitəsi ilə www.azadliqradiosu.az/m saytına daxil olmaqla xəbərləri Azərbaycan dilində oxuya bilərlər. X. İsmayılova onu da vurğulayıb ki, sayta giriş pulsuzdur, lakin mobil operator istifadəçidən istifadə etdiyi məlumatın həcmindən asılı olaraq pul tuta bilər. “Həmçinin, aparatdan asılı olaraq, şriftlərin oxunmasında cüzi problemlər ola bilər”-X. İsmayılova əlavə eləyib.