Noyabrın 26-da “Bizim yol” qəzetinin əməkdaşı Ramid İbrahimov Bakı Şəhər İcra Hakimiyyətinin (BŞİH) əməkdaşı tərəfindən fiziki hücuma məruz qalıb.
Onun sözlərinə görə, “Qış parkı” layihəsi əsasında Bakı şəhəri, Əlimərdan bəy Topçubaşov küçəsi 73 ünvanında evlərin sökülməsi ilə əlaqədar foto çəkiliş apararkən, BŞİH –nin İsa adlı əməkdaşı ona hücum edib:
“Mən jurnalist olduğumu və qanunsuz iş görmədiyimi ona bildirdim. O isə nalayiq sözlərlə məni təhqir eləməyə başladı, üstəlik fotoaparatımı da sındırdı. Fotoaparat zədələnsə də, şəkillər hal-hazırda salamatdır. Daha sonra o məni ərazidən uzaqlaşdırmaq məqsədilə polis çağırdı. Amma xeyli gözləsəm də polis gəlmədi”, – deyə qeyd edən R.İbrahimov baş verənlərlə bağlı hüquq mühafizə orqanlarına şikayət etmədiyini də bildirdi.
Qeyd edək ki, “Bizim yol” qəzeti 2003-cü ildən çap olunur və gündəlik qəzet kimi fəaliyyət göstərir.