Bu gün (19 fevral) Reportyorların Azadlıq və Təhlükəsizlik İnstitutunun (RATİ) mətbuat mərkəzində “SalamNews” agentliyinin müxbiri Zülfüqar Xeyirxəbər fiziki təzyiqə məruz qalması ilə əlaqədar mətbuat konfransı keçirib.
O bildirib ki, fevralın 18-də saat 12 radələrində İqtisad Universiteti ilə üzbəüz “Karvan” çay evində baş vermiş partlayışla bağlı məlumat hazırlamaq istəyərkən özünü kafenin sahibi kimi təqdim edən Zaur Qafarov onu təhqir edib və peşə fəaliyyətini yerinə yetirməyə mane olub. Daha sonra isə Fövqəladə Hallar Nazirliyinin əməkdaşının onu itələyə-itələyə ərazidən kənarlaşdırmaq istədiyini qeyd edən Z. Xeyirxəbər, bu zaman orada olan Əziz adlı şəxsin ona zərbə endirdiyini bildirib. Jurnalist qeyd etdi ki, aldığı zərbələr nəticəsində xəsarətlər alıb.
Z.Xeyirxəbər vurğuladı ki, onun təkidi ilə polis nəfərləri həmin şəxsləri saxlayaraq 9-cu polis bölməsinə gətiriblər. O, əlavə etdi ki, 9-cu polis bölməsində İbrahim adlı tədqiqatçının kobud rəftarı ilə üzləşib və təhqirə məruz qalıb. Mən isə ona zərərçəkən olduğumu bildirdim və fiziki təzyiqə məruz qalmağımla bağlı şikayət ərizəsi yazdım. Çalışdığım agentliyin rəhbərliyi Daxili İşlər Nazirliyinin mətbuat xidməti ilə əlaqə saxlamasından sonra DİN-dən bölməyə zəng etdilər. Yalnız bundan sonra mənimlə normal rəftar olundu” – deyə Z.Xeyirxəbər tibbi ekspertizadan keçdiyini də bildirdi.
“SalamNews” agentliyinin direktoru Gülnaz Qəmbərli dünən hadisə ilə bağlı dəfələrlə Mətbuat Şurasına zəng vurduğunu, lakin onun zənglərinə cavab verilmədiyini bildirdi: “Bundan sonra mən Daxili İşlər Nazirliyinə məsələ ilə bağlı məlumat verdim. Daxili İşlər Nazirliyi işə qarışandan sonra bölmənin əməkdaşları tədqiqata başladılar”. O, həmçinin qeyd etdi ki, baş vermiş hadisə ilə bağlı RATİ əməkdaşları tərəfindən dərhal araşdırma aparılıb və hüquqi yardım üçün Media Hüququ İnstitutuna müraciət edilib.
Media Hüququ İnstitutunun nümayəndəsi Xalid Ağəliyev isə təmsil etdiyi qurumun jurnalistə hüquqi yardım göstərəcəyini bildirdi. “Sabah jurnalistin döyülməsi ilə bağlı cinayət işinin başlanması və tədqiqatçının pis rəftarı ilə əlaqədar Daxili işlər Nazirliyinə şikayət təqdim ediləcək” – deyən X.Ağəliyev əlavə etdi ki, günahkarların cəzalandırılması üçün bütün hüquqi addımlar atılacaq.
Qeyd edək ki, rusdilli “SalamNews” (salamnews.org) agentliyi noyabr ayından fəaliyyət göstərir.
Z.Xeyirxəbər vurğuladı ki, onun təkidi ilə polis nəfərləri həmin şəxsləri saxlayaraq 9-cu polis bölməsinə gətiriblər. O, əlavə etdi ki, 9-cu polis bölməsində İbrahim adlı tədqiqatçının kobud rəftarı ilə üzləşib və təhqirə məruz qalıb. Mən isə ona zərərçəkən olduğumu bildirdim və fiziki təzyiqə məruz qalmağımla bağlı şikayət ərizəsi yazdım. Çalışdığım agentliyin rəhbərliyi Daxili İşlər Nazirliyinin mətbuat xidməti ilə əlaqə saxlamasından sonra DİN-dən bölməyə zəng etdilər. Yalnız bundan sonra mənimlə normal rəftar olundu” – deyə Z.Xeyirxəbər tibbi ekspertizadan keçdiyini də bildirdi.
“SalamNews” agentliyinin direktoru Gülnaz Qəmbərli dünən hadisə ilə bağlı dəfələrlə Mətbuat Şurasına zəng vurduğunu, lakin onun zənglərinə cavab verilmədiyini bildirdi: “Bundan sonra mən Daxili İşlər Nazirliyinə məsələ ilə bağlı məlumat verdim. Daxili İşlər Nazirliyi işə qarışandan sonra bölmənin əməkdaşları tədqiqata başladılar”. O, həmçinin qeyd etdi ki, baş vermiş hadisə ilə bağlı RATİ əməkdaşları tərəfindən dərhal araşdırma aparılıb və hüquqi yardım üçün Media Hüququ İnstitutuna müraciət edilib.
Media Hüququ İnstitutunun nümayəndəsi Xalid Ağəliyev isə təmsil etdiyi qurumun jurnalistə hüquqi yardım göstərəcəyini bildirdi. “Sabah jurnalistin döyülməsi ilə bağlı cinayət işinin başlanması və tədqiqatçının pis rəftarı ilə əlaqədar Daxili işlər Nazirliyinə şikayət təqdim ediləcək” – deyən X.Ağəliyev əlavə etdi ki, günahkarların cəzalandırılması üçün bütün hüquqi addımlar atılacaq.
Qeyd edək ki, rusdilli “SalamNews” (salamnews.org) agentliyi noyabr ayından fəaliyyət göstərir.
Foto: http://www.irfs.az/component/option,com_datsogallery/Itemid,30/func,viewcategory/catid,427/lang,az/