Bu gün (17 mart) Ədalət Partiyası sədrinin müavini, jurnalist Elxan Şükürlü də Təhlükəsizlik Nazirliyində ifadə verib.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən E.Şükürlü bildirib ki, onun ifadəsi “Xural” qəzetinin martın 7-də işıq üzü görmüş sayında gedən şərhi ilə bağlı olub. Həmin şərhində E.Şükürlü “Monitor” jurnalının baş redaktoru Elmar Hüseynovun qətlində MTN zabitinin şübhəli olduğunu iddia edən Eynulla Fətullayevin açıqlamalarına münasibət bildirib.
E.Şükürlünün sözlərinə görə, ondan ifadəni MTN-in İstintaq İdarəsinin rəis müavini Faiq Qəniyev alıb və bu proses 4 saat çəkib. F.Qəniyev E.Şükürlüyə deyib ki, E.Hüseynovun qətli ilə bağlı son günlər mediada gedən açıqlamalar, şərhlər qətlin istintaqa mane olur. Buna görə də E.Şükürlüdən ifadə alınaraq ona xəbərdarlıq edilib.
E.Şükürlünün sözlərinə görə, ondan ifadəni MTN-in İstintaq İdarəsinin rəis müavini Faiq Qəniyev alıb və bu proses 4 saat çəkib. F.Qəniyev E.Şükürlüyə deyib ki, E.Hüseynovun qətli ilə bağlı son günlər mediada gedən açıqlamalar, şərhlər qətlin istintaqa mane olur. Buna görə də E.Şükürlüdən ifadə alınaraq ona xəbərdarlıq edilib.
Qeyd edək ki, hazırda Bakı İstintaq Təcridxanasında saxlanılan “Gündəlik Azərbaycan” və “Realnıy Azerbaydjan” qəzetlərinin baş redaktoru E.Fətullayev ötən həftə mərhum jurnalist Elmar Hüseynovun qətlinin MTN-in yüksək rütbəli zabiti Akif Çovdarov tərəfindən təşkil olunduğunu və bu faktı ona şəxsən Çovdarovun özünün etiraf etdiyini təsdiqləyən açıqlamalarla çıxış edib.