“Turan” informasiya agentliyinin direktoru Mehman Əliyev bu gün (17 mart) MTN-ə çağırılıb.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən Mehman Əliyev bildirib ki, MTN-də onunla söhbət aparan müstəntiq onunla “Gündəlik Azərbaycan” və “Realnıy Azerbaydjan” qəzetlərinin baş redaktoru E.Fətullayevin “Monitor” jurnalının baş redaktoru Elmar Hüseynovun qətlində MTN zabitinin şübhəli olduğunu iddia edən açıqlamaları ilə bağlı sorğu-sual edib. “Müstəntiq Eynulla Fətullayevin açıqlamalarını yaymağımızın səbəbini soruşdu. Bildirdim ki, biz Eynulla Fətullayevin həyatının təhlükədə olduğunu hesab edərək, onun açıqlamalarını yaymışıq” – deyən M.Əliyev əlavə etdi ki, 2 saat davam edən sorğu-sual barədə protokol yazılsa da, ona MTN-ə çağırılmasını və hansı iş üzrə və hansı qismdə (şahid, şübhəli şəxs və s.) dinidirilməsini təsdiq edən heç bir sənəd verilməmişdir.
Qeyd edək ki, hazırda Bakı İstintaq Təcridxanasında saxlanılan “Gündəlik Azərbaycan” və “Realnıy Azerbaydjan” qəzetlərinin baş redaktoru E.Fətullayev ötən həftə mərhum jurnalist Elmar Hüseynovun qətlinin MTN-in yüksək rütbəli zabiti Akif Çovdarov tərəfindən təşkil olunduğunu və bu faktı ona şəxsən Çovdarovun özünün etiraf etdiyini təsdiqləyən açıqlamalarla çıxış edib.
Qeyd edək ki, hazırda Bakı İstintaq Təcridxanasında saxlanılan “Gündəlik Azərbaycan” və “Realnıy Azerbaydjan” qəzetlərinin baş redaktoru E.Fətullayev ötən həftə mərhum jurnalist Elmar Hüseynovun qətlinin MTN-in yüksək rütbəli zabiti Akif Çovdarov tərəfindən təşkil olunduğunu və bu faktı ona şəxsən Çovdarovun özünün etiraf etdiyini təsdiqləyən açıqlamalarla çıxış edib.