Abşeron rayonunda “İmpuls” qəzetinin əməkdaşı Cəfər Talıbova təzyiq edilib. Bu barədə bu gün (20 oktyabr ) Reportyorların Azadlıq və Təhlükəsizlik İnstitutuna (RATİ) jurnalistin özü məlumat verib.
O bildirib ki, Xırdalan rayonunda 1 saylı orta məktəbdə valideynlərlə məktəbin mühafizə işçiləri arasında qarşıdurma baş verən zaman jurnalist ora gedib və çəkiliş aparmaq istəyib. Bir müddət sonra Abşeron rayon İcra hakimiyyətinin nümayəndəsi Fikrət Novruzov ona hücum edib, diktofonunu alıb və mülki geyimli MTN işçilərinə əmr edib ki, bunu maşınla aparın Masazıra buraxın.
Cəfər Talıbov onu da qeyd edib ki, onu yarım saat müddətinə maşında bağlı şəkildə saxlayıblar. Bu müddət ərzində qarşıdurma davam edib və jurnalist öz peşə fəaliyyətini yerinə yetirə bilməyib. Jurnalistin etirazına baxmayaraq, MTN işçiləri də ona qarşı zor tətbiq ediblər. Milli Təhlükəsizlik Nazirliyinin işçiləri və mülki geyimli şəxslər məktəbin qarşısında etiraz edən valideynlərə də zor tətbiq edərək ərazidən uzaqlaşdırmağa çalışıblar. Jurnalist etiraz etdiyi üçün onu Masazıra aparmayıblar. Yarım saat keçdikdən sonra C.Talıbov sərbəst buraxılıb. Jurnalistə jurnalist vəsiqəsi və diktofonu qaytarılsa da, diktofonda olan kaset götürülmüşdür. Talıbov kaseti tələb edərkən İcra hakimiyyətinin nümayəndəsi Fikrət Novruzov onun jurnalist fəaliyyətini təhqir etmiş və diktofonda kasetin olmadığını bildirmişdir.
Jurnalist onu da əlavə etdi ki, kasetin qaytarılması üçün Abşeron İcra hakimiyyətinə müraciət edəcək.
Cəfər Talıbov onu da qeyd edib ki, onu yarım saat müddətinə maşında bağlı şəkildə saxlayıblar. Bu müddət ərzində qarşıdurma davam edib və jurnalist öz peşə fəaliyyətini yerinə yetirə bilməyib. Jurnalistin etirazına baxmayaraq, MTN işçiləri də ona qarşı zor tətbiq ediblər. Milli Təhlükəsizlik Nazirliyinin işçiləri və mülki geyimli şəxslər məktəbin qarşısında etiraz edən valideynlərə də zor tətbiq edərək ərazidən uzaqlaşdırmağa çalışıblar. Jurnalist etiraz etdiyi üçün onu Masazıra aparmayıblar. Yarım saat keçdikdən sonra C.Talıbov sərbəst buraxılıb. Jurnalistə jurnalist vəsiqəsi və diktofonu qaytarılsa da, diktofonda olan kaset götürülmüşdür. Talıbov kaseti tələb edərkən İcra hakimiyyətinin nümayəndəsi Fikrət Novruzov onun jurnalist fəaliyyətini təhqir etmiş və diktofonda kasetin olmadığını bildirmişdir.
Jurnalist onu da əlavə etdi ki, kasetin qaytarılması üçün Abşeron İcra hakimiyyətinə müraciət edəcək.