Martın 7-də bir qrup AXCP-çi gəncin vicdan məhbusları Məhəmməd Məcidli, Babək Həsənova qarşı işgəncələrə etiraz əlaməti olaraq Metronun “Elmlər Akademiyası” stansiyasının yaxınlığındakı parkda keçirdikləri aksiya zamanı “Azadlıq” qəzetinin əməkdaşı Ramin Deko polis təzyiqinə məruz qalıb.
Belə ki, polis əməkdaşları jurnalisti də aksiya zamanı saxlanılan gənclərlə bərabər Yasamal Rayon Polis İdarəsinin 28-ci polis bölməsinə aparıblar.
R. Dekonun Reportyorların Azadlıq və Təhlükəsizlik İnstitutuna (RATİ) verdiyi məlumata görə, bölmədə onun fotoaparatının kartı alınaraq, yaddaşında olan materiallar silindikdən sonra özünə qaytarılıb.