İyulun 15-də Nəsimi Rayon Məhkəməsində jurnalist Rauf Mirqədirovun həbs müddətinin uzadılması barədə təqdimata baxılıb. Təqdimat Baş Prokurorluq tərəfindən məhkəməyə təqdim edilib.
Məhkəmə əlavə istintaq hərəkətlərinin aparılması zərurətinin olmasını əsas götürərək jurnalistin həbs müddətini daha 4 ay müddətinə uzadılması barədə qərar verib.
Jurnalistin vəkili Elmar Süleymanov bu qərardan şikayət verəcəklərini bildirib.
Xatırladaq ki, Zerkalo qəzetinin Türkiyə müxbiri Rauf Mirqədirov aprelin 19-da həbs edilib. Jurnalist Cinayət Məcəlləsinin 274-cü (dövlətə xəyanət) maddəsi ilə ittiham edilir. Hazırda Milli Təhlükəsizlik Nazirliyinin Təcridxanasında saxlanılır.