Mayın 6-da NİDA-çılara oxunan hökmə etiraz olaraq məhkəmənin qarşısında aksiya keçirilib. Aksiya zamanı 30-a yaxın adam saxlanılıb. Aksiya zamanı çəkiliş aparan jurnalistlərə qarşı da zorakılıq edilib. Üzərlərində jurnalist gödəkçəsi olduğu halda da polislər jurnalistlərə təzyiq göstərməkdən çəkinməyib. Jurnalistlər itələnib, planşet, komp və kameraları əllərindən alıblar. Bəzi jurnalistlər isə saxlanılıb. Saxlanılanlar “Yeni Müsavat” qəzetinin reportyoru Məhəmməd Türkmən, “Azadlıq” qəzetinin reportyoru Xalid Qarayev və mediaforum saytının əməkdaşı Amid Süleymanov olub. Lakin sonradan jurnalistlər sərbəst buraxılıb.
Mayın 7-də Nəsimi Rayon məhkəməsində aksiyada saxlanılan şəxslərin işi üzrə proses keçirilib. Məhkəmənin qarşısında çəkiliş aparmaq istəyən jurnalistlərə təzyiq edilib. Obyektiv tv-nin əməkdaşı Hüseyn Əzizoğlu fiziki təzyiqə məruz qalıb. Mülki geyimdə olan şəxs jurnalisti təpikləsə də, bunu görən polis müdaxilə etməyib. Jurnalist xəsarət alıb, kamerası zədələnib və eynəyi sınıb.