Yanvarın 31-də peşə vəzifəsini yerinə yeritirərkən fiziki təzyiqə məruz qalmış RATİ-nin Naxçıvandakı müxbiri Həkimeldostu Mühdiyev bu gün (06 yanvar) Muxtar Respublika Daxili İşlər Nazirliyində olub və istintaqın gedişi ilə maraqlanıb.
“Müstəntiq məni qəbul etdi. İstintaqın aparıldığını bildirdi və məndən hadisə ilə bağlı yenidən izahat alındı. Məni külqabı ilə vuran İsmayıl İsmayılovun harada olduğu və harada saxlandığı haqda heç bir məlumat verilmədi”, – deyə H.Mehdiyev bildirib.
H.Mehdiyev aldığı zərbədən sonra səhətində problemlərin yarandığını da bildirib. Onun dediyinə görə, bir neçə dəfə həkim müayinəsindən keçib. Həkimlər səhətində ciddi problemin olmadığını bildirsələr də, başında güclü ağrılar olur və sol qulağının eşitməsində problemlər yaranıb.
Xatırladaq ki, 31 yanvar 2009-cu il tarixdə saat 10:00-da RATİ-nin Naxçıvandakı bölgə müxbiri Həkimeldostu Mehdiyev müxalifət partiyalarının Məmməd Əmin Rəsulzadənin anadan olmasının 125 illiyi münasibətilə keçirdikləri toplantıdan reportaj hazırlayarkən İsmayıl İsmayılov adlı şəxs tərəfindən fiziki təzyiqə məruz qalıb. O, Mehdiyevi söyüb və masanın üzərində olan külqabını götürərək jurnalistə atıb. Atılan külqabı Mehdiyevin sol gözünün altından (almacıq hissədən) dəyib.