Fevralın 21-də “Obyektiv.tv” nin əməkdaşı Əbülfət Namazova təzyiq edilib və onun peşə fəaliyyətini yerinə yetirməsinə maneçilik törədiblər. Belə ki, gənc fəal Nigar Yaqublunun şikayətinə əsasən Sumqayıt Apellyasiya Məhkəməsində keçirilən prosesi zamanı mülki geyimli şəxslər zalda yerin olmadığını deyərək, media nümayəndələrinin və partiya fəallarının məhkəmə zalına daxil olmasının qarşısını almağa çalışıblar.
Bu zaman baş verənləri videokamera ilə çəkən “Obyektiv.tv” nin əməkdaşı Əbülfət Namazov mülki geyimlilərin təzyiqi ilə üzləşib. Onlar jurnalisti itələyərək məhkəmədən uzaqlaşdırmaqla peşə fəaliyyətini yerinə yetirməsinə mane olublar.