JURNALİSTLƏR ACLIQ AKSİYASINI DAVAM ETDİRİRLƏR

aprel 5th, 2008

“Gündəlik Azərbaycan” qəzetinin redaktoru Üzeyir Cəfərovun RATİ-yə bildirib ki, “Gündəlik Azərbaycan” qəzetinin şef redaktoru Şahvələd Çobanoğlu aclığı dayandırıb.

Buna səbəb gecə saat 02.00 radələrindən vəziyyətinin pisləşməsi olub. Bu gün isə “Yeni Müsavat” qəzetinin baş redaktoru Rauf Arifoğlu aclığı dayandırıb. Baş redaktorun yerinə qəzetin əməkdaşı Famil Cəfərli bu gündən aclığa başlayıb. Eyni zamanda “Müsavat” Partiyasının Mətbuat Xidmətinin əməkdaşı Yalçın Abbasov da bu gündən etibarən aclıq aksiyasına qoşulub. Bu gün səhər hüquq müdafiəçiləri Səidə Qocamanlı, Novella Cəfəroğlu və Səadət Bənənyarlı bizə baş çəkib, vəziyyətimiz barədə maraqlanıblar”.