İntihara cəhd etdiyi üçün psixi vəziyyəti ağırlaşaraq Naxçıvan Psixi Xəstəliklər Dispanserinə yatırılan və bir neçə gün sonra müalicə almadan məcburi qaydada dispanserdən xaric edilən Şərur rayon Qorçulu kənd sakini, AXCP üzvü Əhmədov Sevindik Rza oğlunun müraciəti əsasında martın 6-da yerli jurnalist və hüquq müdafiəçiləri Naxçıvan Psixi Xəstəliklər Dispanserində olaraq baş həkimlə görüşərək, onun bu məsələyə münasibətini öyrənməyə, eləcədə dispanserdən xaric olunan S. Əhmədovdan müsahibə götürməyə cəhd ediblər.
Amma nəticədə jurnalistlər təzyiqə məruz qalıblar.
Dispanserin baş həkimi açıqlama verməkdən imtina edib. Dispanserin həyətində isə S.Əhmədovdan müsahibə götürmək istəyən RATİ-nin Naxçıvandakı müxbirləri Elman Abbasov, Həkimeldostu Mehdiyev və “Turan” İnformasiya Agentliyinin müxbiri İlqar Nəsibov təzyiqə məruz qalıb. Özünü xəstəxananın mühafizəçisi kimi təqdim edən, adını açıqlamaqdan imtina edən, lakin mühafizəçiyə bənzəməyən şəxs onları hədələyib və dispanserin həyətini tərk etməyi tələb edib və nəticədə jurnalistlərin peşə fəaliyyətinə mane olub. Həmin şəxs jurnalistlərə dispanserin həyətini tərk etmədikləri halda onların ciddi problemlərlə üzləşəcəkləri ilə hədələyib. Vəziyyətin gərginləşdiyini görən jurnalistlər ərazini tərk etmək məcburiyyətində qalıblar.
Dispanserin baş həkimi açıqlama verməkdən imtina edib. Dispanserin həyətində isə S.Əhmədovdan müsahibə götürmək istəyən RATİ-nin Naxçıvandakı müxbirləri Elman Abbasov, Həkimeldostu Mehdiyev və “Turan” İnformasiya Agentliyinin müxbiri İlqar Nəsibov təzyiqə məruz qalıb. Özünü xəstəxananın mühafizəçisi kimi təqdim edən, adını açıqlamaqdan imtina edən, lakin mühafizəçiyə bənzəməyən şəxs onları hədələyib və dispanserin həyətini tərk etməyi tələb edib və nəticədə jurnalistlərin peşə fəaliyyətinə mane olub. Həmin şəxs jurnalistlərə dispanserin həyətini tərk etmədikləri halda onların ciddi problemlərlə üzləşəcəkləri ilə hədələyib. Vəziyyətin gərginləşdiyini görən jurnalistlər ərazini tərk etmək məcburiyyətində qalıblar.