Amerika Birləşmiş Ştatlarında keçirilən prezident seçkilərində hazırkı prezident Barak Obamanın seçki kompaniyasının rəhbəri olmuş Devid Plaff Azərbaycana qeyri-rəsmi səfəri çərçivəsində bu gün (9 fevral) Qərb Universitetinin tələbələri üçün “Amerika seçkiləri haqqında – seçki kompaniyasının formalaşdırılması və idarə olunması” mövzusunda mühazirə oxuyub.
Tədbirdə iştirak etmək üçün jurnalistlər və KİV nümayəndələrinə 3-5 dəqiqəlik vaxt verilib. Lakin universitetin əməkdaşları və tələbələri KİV nümayəndələrinə öz vəzifələrini normal yerinə yetirməyə mane olaraq onları zaldan çıxartdılar. Onlar bu hərəkəti onunla izah etdilər ki, guya qonaq D.Plaff mühazirədə jurnalistlərin iştirakını istəmir.