İyunun 2-də “Azadlıq” radiosunun hazırda İstanbulda olan reportyoru Abbas Atilay və “Yeni Müsavat” qəzetinin reportyoru Fərahim İlqaroğlu şəhərin Beşiktaş nahiyəsində polis qüvvələri ilə aksiya iştirakçıları arasında gedən qarşıdurma zamanı xəsarət alıblar. Bu barədə musavat.com məlumat yayıb.
Məlumatda A.Atilayın əlindən xəsarət aldığı və sınıqlarının olduğu, F. İlqaroğlunun isə qaz zəhərlənməsinə məruz qaldığı bildirilir. Fərahim İlqaroğlu hadisədən dərhal sonra klinikaya aparıldıqlarını və onlara müalicəyə şərait yardıldığını da qeyd edib. Hal-hazırda hər iki jurnalistin vəziyyəti stabildir.
Qeyd edək ki, mayın 28-dən etibarən İstanbulda Taksim meydanın arxasındakı Gəzi parkında ağacların kəsilməsinə etiraz edən milyonlarla insan etiraz aksiyası etməkdə davam edir.