Bu gün (02 aprel) Səbail rayon Məhkəməsində hakim Kəmalə Əmirxanovanın sədrliyi ilə bir qrup jurnalistin -Elçin Həsənov, Əfqan Muxtarlı, Natiq Ədilovun Səbail Rayon Polis İdarəsinin 39-cu polis bölməsinə qarşı iddiası üzrə məhkəmə prosesi keçirilib.
Məhkəmə prosesində iddiaçılardan E. Həsənov iştirak edirdi. Qarşı tərəfin nümayəndəsi prosesdə iştirak etmirdi.
Hakim iddianın təmin edilməməsi ilə bağlı qərarı elan etdi.
Hakim iddianın təmin edilməməsi ilə bağlı qərarı elan etdi.
Xatırladaq ki, adıçəkilən jurnalistlər 10 may 2009-cu ildə Səbail RPİ-nin 39-cu polis bölməsinin qarşısında fiziki təzyiqə məruz qalıb. Onlar Azərbaycan Dövlət Neft Akademiyasındakı silahlı basqında həlak olanlarla bağlı mətəm elan olunmamağına və “Gül bayramı”na etiraz edən bir qrup gəncin saxlanılması ilə bağlı məlumat əldə etmək üçün 39-cu polis bölməsinin qarşısında olarkən polislər tərəfindən döyülüblər. Jurnalistlər polisin hərəkətinin qanunsuz hesab edilməsi xahişi ilə məhkəməyə müraciət ediblər.