Bu gün (29 sentyabr) Nizami Rayon məhkəməsində hakim Ziya Əliyevin sədrliyi ilə ANS şirkətinin “Yeni Müsavat” qəzetinə qarşı qaldırdığı mülkü iddia üzrə məhkəmə prosesi keçirilib.
Bu barədə Reportyorların Azadlıq və Təhlükəsizlik İnstitutuna (RATİ) proseslə bağlı məlumat verən “Yeni Müsavat” qəzetinin hüquqşünası Vaqif Hüseyn bildirdi ki, hakim tərəflərə barışıq təklif edib. Tərəflər bu təklifə konkret münasibət bildirməyiblər. Hakim növbəti prosesi 8 oktyabr, saat 14.30-a təyin edib.
Xatırladaq ki, “Yeni Müsavat” qəzetinin 27 avqust tarixli sayında ANS telekanalının araq reklam etməsi ilə bağlı dərc olunmuş məqaləyə görə ANS şirkətə məhkəməyə müraciət edərək, 80 min (“Yeni Müsavat”dan 50 000, yazı müəllifi Zahid Səfəroğludan 30 000) manat ödənilməsini istəyir.
Xatırladaq ki, “Yeni Müsavat” qəzetinin 27 avqust tarixli sayında ANS telekanalının araq reklam etməsi ilə bağlı dərc olunmuş məqaləyə görə ANS şirkətə məhkəməyə müraciət edərək, 80 min (“Yeni Müsavat”dan 50 000, yazı müəllifi Zahid Səfəroğludan 30 000) manat ödənilməsini istəyir.