Bu gün(12 may) Xətai rayon məhkəməsində hakim Bəhram Şükürovun sədrliyi ilə “Azadlıq Hərəkatçıları Birliyi”nin (AHB) sədri Təhmasib Novruzovun “Nota” qəzetinin baş redaktoru Sərdar Əlibəyliyə (Əliyev) qarşı Azərbaycan Respublikası Cinayət Məcəlləsinin (CM) 148-ci (təhqir), qəzetin əməkdaşları Ramiz Tağıyev və Fərəməz Novruzoğluna (Allahverdiyev) qarşı isə 147.2-ci (ağır və ya xüsusilə ağır cinayətdə ittiham etməklə böhtan atma) maddələrinə əsasən xüsusi ittiham qaydasında qaldırdığı iddia üzrə məhkəmə hazırlıq iclası keçirilib.
İclasda iddiaçı T.Novruzov və vəkili Əzizağa Əliyev, cavabdeh qismində isə Sərdar Əlibəyli (Əliyev), Ramiz Tağıyev və Fərəməz Novruzoğlu (Allahverdiyev) iştirak edirdilər.
Hakim B.Şükürov tərəflərə barışıq təklif etdi. Iddiaçı T.Novruzov bildirdi ki, S.Əlibəyli qəzetində təkzib dərc etsə və məndən üzr istəsə, barışmağa hazıram. Cavabdeh S.Əlibəyli isə T.Novruzovun istədiyi təkzibi “Nota” qəzetin növbəti sayında dərc edəcəyini bildirdi. Hakim növbəti məhkəmə prosesini 18 may saat 15.00-a təyin etdi.
Qeyd edək ki, mart ayında T.Novruzov haqqında yazılmış məqalələrlə bağlı Sərdar Əlibəyli, Ramiz Tağıyev və Fərəməz Novruzoğlu barəsində iddia qaldırmış və 31 mart tarixində Xətai Rayon Məhkəməsində hakim Toğrul Əliyev yazılmış məqalələrin yanlış olması ilə bağlı “Nota” qəzetinin təkzib verməsi, üzr istəməsi barədə qətnamə qəbul etmişdi. Qətnaməyə əsasən təkzib verməli olan “Nota” qəzetinin 05-11 Aprel 2009 -cu il tarixli sayında dərc olunan “Şərəfi tapdanmış, ləyaqəti alçalmış Təhmasib Novruzovdan üzürxahlıq yazısı” başlıqlı məqaləyə görə T.Novruzov yenidən xüsusi ittiham qaydasında iddia qaldırmışdır.
Hakim B.Şükürov tərəflərə barışıq təklif etdi. Iddiaçı T.Novruzov bildirdi ki, S.Əlibəyli qəzetində təkzib dərc etsə və məndən üzr istəsə, barışmağa hazıram. Cavabdeh S.Əlibəyli isə T.Novruzovun istədiyi təkzibi “Nota” qəzetin növbəti sayında dərc edəcəyini bildirdi. Hakim növbəti məhkəmə prosesini 18 may saat 15.00-a təyin etdi.
Qeyd edək ki, mart ayında T.Novruzov haqqında yazılmış məqalələrlə bağlı Sərdar Əlibəyli, Ramiz Tağıyev və Fərəməz Novruzoğlu barəsində iddia qaldırmış və 31 mart tarixində Xətai Rayon Məhkəməsində hakim Toğrul Əliyev yazılmış məqalələrin yanlış olması ilə bağlı “Nota” qəzetinin təkzib verməsi, üzr istəməsi barədə qətnamə qəbul etmişdi. Qətnaməyə əsasən təkzib verməli olan “Nota” qəzetinin 05-11 Aprel 2009 -cu il tarixli sayında dərc olunan “Şərəfi tapdanmış, ləyaqəti alçalmış Təhmasib Novruzovdan üzürxahlıq yazısı” başlıqlı məqaləyə görə T.Novruzov yenidən xüsusi ittiham qaydasında iddia qaldırmışdır.