NAXÇIVANDA “KANAL-35” TELEVİZİYASINA LİSENZİYA VERİLİB

iyul 12th, 2008
Naxçıvan Muxtar Respublikasında Televiziya və Radio Şurası tərəfindən “Kanal-35” televiziyasına lisenziya verilib.

Şuranın üzvü Sahil Tahirlinin lent.az-a verdiyi məlumata görə “Kanal-35” televiziyası müsabiqədə iştirak etmədən lisenziya əldə etmək hüququndan istifadə edərək, ərizə ilə müraciət edib və qanuna uyğun olaraq kanala lisenziya verilib.
        Məlumatda o da bildirilir ki, bu hüquqdan ilk dəfə Naxçıvan MR Dövlət Televiziya və Radio Verilişləri Komitəsi istifadə edib.
        Qeyd edək ki, bölgədə Televiziya və Radio Şurası 2007-ci ildə yaradılıb. Bu gün Muxtar Respublikada 3 yerli televiziya, 2 yerli radio fəaliyyət göstərir.