Gələn ildən etibarən Azərbaycanın “KaTV 1” kabel televiziyası Bakı şəhərinin əhalisinə yüksəksürətli internet xidmətləri təqdim edəcək.
Bu barədə məlumatı APA-ya “KaTV 1”-in baş ofisindən veriblər: “Gələn ilin yanvar ayı ərzində biz paytaxt əhalisinə yüksəksürətli internet xidmətləri göstərməyə hazır olacağıq”. Qeyd edək ki, “KaTV 1” 2005-ci ilin avqust ayından Milli Teleradio Şurası tərəfindən kabel yayımı üçün verilmiş lisenziya əsasında fəaliyyət göstərir.