Bu gün (31 mart) Reportyorların Azadlıq və Təhlükəsizlik İnstitutunun (RATİ) mətbuat mərkəzində “Xocalı Soyqırımını Tanıtım” İctimai Birliyi “Soyqırımı unutmayaq” mövzusunda dəyirmi masa keçirdi.
Tədbirin əvvəlində 1918-ci ilin mart ayının 31-də Azərbaycan Respublikasının şəhər və rayonlarında erməni daşnaqlarının törətdiyi vəhşiliklər nəticəsində şəhid olanların xatirəsi sükutla yad edildi və bu mövzuda 10 dəqiqəlik film nümayiş olundu. Tədbirin gedişində ilk çıxış edən “Xocalı soyqırımını tanıtım” birliyinin sədri, jurnalist Şamil Sabiroğlu rəhbərlik etdiyi qurumun qarşısında duran mühüm vəzifələrdən danışdı və tədbiri keçirməkdə əsas məqsədin ermənilərin Azərbaycan xalqının başına gətirdikləri bəlaların dünya ictimaiyyətinə çatdırmaqdan ibarət olduğunu bildirdi: “Ermənilər tarixən öz din qardaşlarının köməyi ilə dədə-baba torpaqlarımıza təcavüz etmişlər. Səhlənkarlığımız, biganəliyimiz, unutqanlığımız ucbatından səksən faiz torpaqlarımız işğal olunmuş, oğul və qızlarımız ağır işgəncələrə məruz qalmışlar”- deyə Ş.Sabiroğlu əlavə etdi
Bakı Slavyan Universiteti Azərbaycanşünaslıq Tədris Mədəniyyət Mərkəzinin elmi işçisi Nazim Tapdıqoğlu (Vəlişov) Ermənistanın terrorçu dövlət kimi Qafqaz bölgəsinə gətirdiyi bəlalardan danışdı. Sonda “Xocalı Soyqırımını Tanıtım” ictimai birliyinin sədr müavini, Xocalıdan məcburi köçkün Xəlil Şahmar oğlu Vəliyev, Birliyin İdarə heyyətinin üzvü və Xocalıdan məcburi köçkün Almaz Şöhrət qızı Həsənova 1992-ci il fevral ayının 25-dən 26-na keçən gecə Rusiyaya məxsus 366-cı motoatıcı alayının köməyi ilə erməni hərbi birləşmələrinin Xocalıda törətdikləri vəhşiliklərdən danışdılar.
Foto: http://www.irfs.az/component/option,com_datsogallery/Itemid,30/func,viewcategory/catid,215/lang,az/
Bakı Slavyan Universiteti Azərbaycanşünaslıq Tədris Mədəniyyət Mərkəzinin elmi işçisi Nazim Tapdıqoğlu (Vəlişov) Ermənistanın terrorçu dövlət kimi Qafqaz bölgəsinə gətirdiyi bəlalardan danışdı. Sonda “Xocalı Soyqırımını Tanıtım” ictimai birliyinin sədr müavini, Xocalıdan məcburi köçkün Xəlil Şahmar oğlu Vəliyev, Birliyin İdarə heyyətinin üzvü və Xocalıdan məcburi köçkün Almaz Şöhrət qızı Həsənova 1992-ci il fevral ayının 25-dən 26-na keçən gecə Rusiyaya məxsus 366-cı motoatıcı alayının köməyi ilə erməni hərbi birləşmələrinin Xocalıda törətdikləri vəhşiliklərdən danışdılar.
Foto: http://www.irfs.az/component/option,com_datsogallery/Itemid,30/func,viewcategory/catid,215/lang,az/