Dünən (12 dekabr) "Yeni Müsavat" qəzetinin köşə yazarı Zamin Hacı (Hacıyev) Qarabağ Azadlıq Təşkilatının (QAT) sədri Akif Nağı tərəfindən döyülüb.
Bu barədə RATİ-yə məlumat verən Zamin Hacının sözlərinə görə, onun yazısında QAT sədrinə "əkə" (Özbəkistanda qardaşa əkə deyilir – red.) deyə müraciət etməsi Nağının xoşuna gəlməyib: "Akif Nağı məndən bir daha onun haqqında yazmamağımı tələb etdi. Mən də ona dedim ki, nə qədər ki, sən ictimai fəaliyyətlə məşğulsan, sənin haqqında yazacağam. Bu zaman Akif Nağı mənə sifətimdən yumruq zərbəsi endirdi. Bu zərbənin nəticəsində eynəyim də sındı”.
Jurnalistin sözlərinə görə, artıq o, baş verənlərlə bağlı Binəqədi rayon Polis İdarəsinin 5-ci Polis Bölməsinə ərizə ilə müraciət edib.
Polis Bölməsindən RATİ-yə verilən məlumata görə, daxil olmuş şikayətlə bağlı artıq sənədlər toplanaraq Binəqədi rayon Prokurorluğuna göndərilib.
Prokurorluqdan isə işin hansı yerdə olduğunu araşdırmaq cəhdimiz boşa çıxdı. Prokurorluğun özünü təqdim etməyən əməkdaşı RATİ əməkdaşına telefon danışığında bildirib ki, şənbə günü olduğuna görə, suallara cavab verə biləcək səlahiyyətli şəxslər işdə deyillər.
Məsələ ilə bağlı Akif Nağının da mövqeyini öyrənmək cəhdlərimiz baş tutmadı. Əvvəlcə telefon zənginə cavabında QAT sədri Polis Bölməsində olduğunu və bu səbəbdən danışa bilmədiyini dedi. Günorta saatlarında isə Nağının əl telefonuna başqa bir şəxs cavab verərək onun namaz qıldığını bildirdi. Amma günorta namazından sonra Nağının əl telefonuna zənglər çatmadı.
Jurnalistin sözlərinə görə, artıq o, baş verənlərlə bağlı Binəqədi rayon Polis İdarəsinin 5-ci Polis Bölməsinə ərizə ilə müraciət edib.
Polis Bölməsindən RATİ-yə verilən məlumata görə, daxil olmuş şikayətlə bağlı artıq sənədlər toplanaraq Binəqədi rayon Prokurorluğuna göndərilib.
Prokurorluqdan isə işin hansı yerdə olduğunu araşdırmaq cəhdimiz boşa çıxdı. Prokurorluğun özünü təqdim etməyən əməkdaşı RATİ əməkdaşına telefon danışığında bildirib ki, şənbə günü olduğuna görə, suallara cavab verə biləcək səlahiyyətli şəxslər işdə deyillər.
Məsələ ilə bağlı Akif Nağının da mövqeyini öyrənmək cəhdlərimiz baş tutmadı. Əvvəlcə telefon zənginə cavabında QAT sədri Polis Bölməsində olduğunu və bu səbəbdən danışa bilmədiyini dedi. Günorta saatlarında isə Nağının əl telefonuna başqa bir şəxs cavab verərək onun namaz qıldığını bildirdi. Amma günorta namazından sonra Nağının əl telefonuna zənglər çatmadı.