Hüquq Maarifçiliyi Cəmiyyəti Azərbaycanın Avropa İnsan Hüquqları Məhkəməsi yanında səlahiyyətli nümayəndəsi Çingiz Əsgərovu məhkəməyə verib. Bu barədə Reportyorların Azadlıq və Təhlükəsizlik İnstitutuna (RATİ) Hüquq Maarifçiliyi Cəmiyyətinin prezidenti İntiqam Əliyev məlumat verib.
O bildirib ki, rəhbəri olduğu təşkilat Avropa Məhkəməsinin Azərbaycana bağlı verdiyi 16 qərarın icrasının vəziyyəti ilə hesabat hazırlamağı planlaşdırır. Buna görə də Avropa İnsan Hüquqları Məhkəməsinin Azərbaycana qarşı çıxardığı qərarların icrası sahəsində hökumətin gördüyü işlər barədə məlumat əldə etmək üçün 29 iyul 2009-cu ildə informasiya sorğusu ilə Avropa İnsan Hüquqları Məhkəməsi yanında Azərbaycanın səlahiyyətli nümayəndəsi Çingiz Əsgərova müraciət edilib. Sorğularına cavab verilmədiyi üçün, Hüquq Maarifçiliyi Cəmiyyəti bunu məlumat almaq azadlığının pozulması hesab edərək, informasiya sorğusuna cavab verilməməsinin qanunsuz sayılmasına dair şikayətlə Səbail rayon məhkəməsinə müraciət edib.
İddia üzrə iş hakim Elnur Həsənovun icraatındadır və oktyabrın 26-da məhkəmə hazırlıq iclası keçiriləcək.
İddia üzrə iş hakim Elnur Həsənovun icraatındadır və oktyabrın 26-da məhkəmə hazırlıq iclası keçiriləcək.