“AZADLIQ” QƏZETİNƏ QARŞI QALDIRILMIŞ MƏHKƏMƏ İDDİASI TƏMİN EDİLMƏDİ

sentyabr 12th, 2008

Folklorşünas İslam Sadiqin “Azadlıq” qəzetinə qarşı qaldırdığı iddiası üzrə  Yasamal rayon Məhkəməsində hakim Raqib Qurbanovun sədrliyi ilə başlanmış  məhkəmə prosesi bu gün (12 sentyabr) iddianın rədd edilməsi ilə yekunlaşıb.

İddiaçı qəzetin 2007-ci il 4-9 oktyabr tarixli  saylarında dərc olunan “Koroğlunu suya basar” başlıqlı məqalədə özü ilə bağlı fikirlərdən narazı qalaraq məhkəməyə müraciət edib və  dəymiş zərərin müqabilində qəzetdən 20 min manat həcmində kompensasiya tələb edirdi.

Qeyd edək ki, işi araşdıran məhkəmə bundan öncəki iclasda iddiaçının məqalədə narazı qaldığı “erməni  barmağıdır” ifadəsini linqvistik ekspertizaya göndərmişdi. Ekspertiza rəyində qeyd olunurdu ki, məlum bu ifadə ironiya xarakterlidir və iddiaçının şərəf-ləyaqətinə  toxunmur.