“GÜNDƏLİK BAKI” QƏZETİNƏ QARŞI İDDİA İCRAATA QƏBUL EDİLMƏDİ

dekabr 15th, 2009
Dünən (14 dekabr) Yasamal rayon Məhkəməsində hakim Abbas Rzayevin sədrliyi ilə Saatlı rayon İcra Hakimiyyəti  başçısının müavini İlham Quliyevin “Gündəlik Bakı” qəzetinə qarşı qaldırdığı xüsusi ittiham qaydasında iddia üzrə hazırlıq prosesi keçirilib.

Bu barədə Reportyorların Azadlıq və Təhlükəsizlik İnstitutuna qəzetin baş redaktor müavini Vazeh Bəhramoğlu  məlumat verib. O bildirib ki, hakim iddianın icraata qəbul edilməməsi barədə qərar çıxardıb.
Xatırladaq ki,  Saatlı rayon İcra Hakimiyyəti  başçısının müavini İlham Quliyev “Gündəlik Bakı” qəzetində  10-17 noyabr tarixlərində yer alan “Saatlıda pul “razborka”sı və icra başçısının həkəti” başlıqlı yazıya görə, Cinayət Məcəlləsinin 147.1 (böhtan) və 148-ci (təhqir) maddələri ilə Yasamal rayon Məhkəməsinə xüsusi ittiham qaydasında iddia ərizəsi ilə müraciət etmişdi.