Bu gün Nəsimi Rayon Məhkəməsində hakim Emin Mehdiyevin sədrliyi ilə 3 saylı Uşaq Musiqi məktəbinin direktoru Məhin Orucovanın “Gündəlik Bakı”, “Yeni Müsavat”, və “Azadlıq” qəzetlərinə qarşı iddiası üzrə hazırlıq iclası keçirilib.
Xəbəri RATİ-yə “Gündəlik Bakı” qəzetinin baş redaktoru Habil Vəliyev verib. Onun sözlərinə görə, iddia icraata qəbul edilsə də, hakim hazırkı dövrdə qəzetlərin proseslərdə iştirakını vacib hesab etməyib. Hakim bu qərarı onunla izah edib ki, əgər Orucovanın iddiası sübuta yetirilərsə qəzetlər təkzib verməli olacaqlar.
Qeyd edək ki, səbəbsiz yerə işdən çıxarıldığını iddia edən 3 saylı Uşaq Musiqi Məktəbinin müəllimi adıçəkilən qəzetlərə şikayət ərizəsi ilə müraciət etmiş və bu qəzetlər də məktəbin direktoru M. Orucova bərəsində və müəllimənin uzaqlaşdırılması ilə bağlı yazılar dərc etmişlər. Direktor isə iddiasında qəzetlərin təkzib verməsini və şikayət etmiş müəllimdən 10 000 AZN tutulmasını xahiş etmişdir.
Qeyd edək ki, səbəbsiz yerə işdən çıxarıldığını iddia edən 3 saylı Uşaq Musiqi Məktəbinin müəllimi adıçəkilən qəzetlərə şikayət ərizəsi ilə müraciət etmiş və bu qəzetlər də məktəbin direktoru M. Orucova bərəsində və müəllimənin uzaqlaşdırılması ilə bağlı yazılar dərc etmişlər. Direktor isə iddiasında qəzetlərin təkzib verməsini və şikayət etmiş müəllimdən 10 000 AZN tutulmasını xahiş etmişdir.